Wednesday, May 30, 2007

وتمر الأيام


الاربعاء 29-5-1991 اتذكره وكأنه بالأمس القريب
اسارع انا وزوجتي الى المستشفى مساء هذا اليوم ينتابني قلق شديد فهذه اول مرة وليس لدي انا وزوجتي اي خبرة في هذا الأمر
ندخل المستشفى تمر الساعات طويلة علينا ، اذهب لصلاة الفجر وادعو الله ان يسلم ويخفف عنها ارجع الى المستشفى تزف الي الطبيبة الخبر السعيد الف مبروك...... بنت
احمد الله كثيرا على نعمه واسال عن زوجتي وهل هي بخير وتطمئني الطبيبة ...كل شيء على مايرام
فترة بسيطة تمر اتمكن بعدها من النظر الى ضيفنا الجديد واحمد الله على هبته وفضله .
تمر عدة ساعات نبدأ بعدها في الاستعداد للخروج من المستشفى اين سنذهب ؟

والد زوجتي (رحمه الله ) كان مريضا حينئذ وفي المستشفى...الظروف مش مناسبة اذن
والدتي ايضا (رحمها الله ) لها ظروفها ويصعب المكوث عندها ولم يكن هناك بد نخرج انا وزوجتي ومعنا الوافد الجديد لهذه الدنيا وقد اصبحت اسرتنا 3 اشخاص نذهب الى بيتنا بمفردنا يعتريني قلق يصل الى حد الفزع كيف سنتصرف ماالذي سنفعله
امهاتنا ذوات الخبرة لسن معانا كيف سنعتني بهذا المولود الجديد كيف سنتصرف
ماذ ا لو ولو ولو ......نتركها لله
قضينا الأيام الأولى نسأل بالتليفون اصدقائنا واحبائنا عن ابسط الامور واتفهها البعض كان يضحك في سره والبعض كان يضحك في علنه ... لم يكن يعنيني كثيرا من يضحك ومن لايضحك المهم كيف نتصرف مع البنت .... شعور مخيف ان يكون لديك مولود وانت لاتعرف كيف تتعامل معه وتخشى ان تسبب له اي أذى
ايام قليلة واصيبت زوجتي بمرض الصفراء .....ياالله
كيف تعتني بالبنت الصغيرة
ماذا سأفعل ...زوجتي بمفردها معها المولود الجديد ولا يوجد من يساعدها
لم ينقذنا غير اخوات فاضلات من صديقات زوجتي يتناوبن على المكوث معها


تمر علي ايام تصورت انها الاصعب في حياتي ولكن لم يكن الأمر كذلك الاصعب لم يكن قد أتى بعد
كان بناء اسرة المسلمة يرضى الله عنها هو حلمنا وغايتنا مارسنا التربية منطلقين من خبرات محدودة وثقافة تربينا عليها ولولا توفيق الله والنية الحسنة لنا لكان ماكان
تكبر البنت ويلحقها اخواتها الاثنتين تمر السنوات بحلوها ومرها نزداد خبرة ويصقلنا الزمان

واليوم تمر السنوات الستة عشر بالتمام والكمال وتكبر ابنتي وتبدأ مرحلة جديدة لها و.... لنا ايضا


مرحلة جديدة مليئة بتحديات عديدة لها ولنا ولكن يسودها الحب والتفاهم والحوار


مرحلة جديدة و لكنها أقل فزعاً و هلعاً فالان هناك من تستطيع أن تتفاهم وتتواصل معاه

لا أكتمكم القول... أتعلم منها كما تتعلم منى

يتسع أفقي لأمور جديدة و حديثة و هي... الله أعلم و لكن اتمنى ان اكون لها معينا
أرى من خلالها دنيا لم أكن اعلمها من قبل وأحاول معها أن ترى هي من خلالي دنيا سوف تراها من بعد

نحاول أنا ووالدتها أن يكون تأثيرنا إيجابي عليها

تلومنا هي على اختيار الاسم ونعاتبها نحن على أمور أخري

تفرح هي من أبسط الفسح ... و نبتهج نحن لأي إنجاز من قبلها

نساعدها على تنمية مهاراتها ... تساهم معنا في تحمل مشاق الحياة

تنتظر هي بشوق الى ان تحمل بطاقة الشخصية التي تثبت بها للجميع انها تخطت مرحلة الطفولة وننتظر نحن بلهفة الى أن نرى حلمنا يتشكل ويكتمل رغم صعوبات الحياة


لا أرانا في النهاية سوى نسيج واحد ....سوف يأتي يوم من الأيام و يتشكل منه ثوب و غطاء دافئ منفصل ليحوي في

طياته مواليد جديدة يومها سوف يكونون هم ... أحفادنا

اللهم احفظها واحفظ اخواتها وانبتهم يارب نباتا حسنا واجعل حياتهم كلها فيما يرضيك وجنبهم كل مالايرضيك

آمين





28 comments:

Ahmed hassan said...

وجب الاشارة الى ان زوجتي الحبيبة التي حملت معي أو بالاحرى حملت معها انا هذا العبء
ساعدتني في تحرير هذه التدوينة
جزاها الله خيرا على جهدها وصبرها وتحملها الدائم لزوجها ولبناتها

Anonymous said...

واضح ان حديث الذكريات مسيطر هذه الايام التي استحال واقعها لكابوس يدفعنا لإستلهام الطاقة من المرور عبر الزمن لإدراك اننا بالفعل قادرون على اجتياز الاصعب
لكن اللطيف ايضا في احاديث الذكريات دي انها تطلق مواهب الكتابة الكامنة وقدرات التعبير الخافتة للتجلى في ابهى صورها
ربنا يحفظ لكم بناتكم ويجزيكم بقدر ما احببتموهم واعطيتموهم
وكل سنة وانتي طيبة يا ايثار

Boba said...

" كل سنة وهيا طيبة "

و عقبال الف مليون سنة

ويا رب يكرمها ويزدها حسنات الدنيا و الأخري ..... ياااااا رب

امين يااااا رب العالمين
امين ... امين

Great wishes said...

ياه الله ... ربنا يبارك لحضرتك فيها و فى اخواتها و فى والدتهم يارب .. يعنى التدوينه كلها اتجمعت عندى فى العباره دى..


لا أرانا في النهاية سوى نسيج واحد ....سوف يأتي يوم من الأيام و يتشكل منه ثوب و غطاء دافئ منفصل ليحوي في


طياته مواليد جديدة يومها سوف يكونون هم ... أحفادنا

ربنا يبارك فيكم و يديم علينا و عليكم الدفئ و الاحتواء الاسرى الجميل
اللهم آمين

Anonymous said...

أخي الحبيب الغالي المهندس أحمد حسان
بعد السلام عليكم ورحمة الله وبركاته ..

هذه المدونة تفيض عذوبة ورقة .. فلا أملك إلا أن أشارك بهذا الدعاء .. سائلا المولى عز وجل أن يبارك فيك وفي زوجتك وفي بناتك وينبتهم نباتا حسنا ويجعلهن من الصالحات .. النافعات لوطنهن ودينهن .. هو ولي ذلك والقادر عليه ..

وأن يحفظكم الله من كل سوء ويجعل بيتكم بيت سعادة وود ومودة .. ويبارك فيكم ..

آمين ..

أخوك
علاء حمدان

mohamed elbanna said...

امز
كل سنه وانتى طيبه وعقبال 99 سنه
وانتى منورة الدنيا كلها
واضح ان الهندسة بيحبك قوى ده انتى خلتيه يفجر الطاقات الأدبية اللى عنده
أول مولود بيقى ليه ذكريات ومشاعر جميلة ومحفورة فى القلب لا يمكن تتنسى
شعور الأبوة والأمومة من الأمور التى لا يمكن تخيلها أو استيعابها كاملة الا لمن يرزقه الله بطفل
بس حكاية الثوب اللحاف دى يا هندسة لسه بدرى عليها قوى
ده احنا يادوبك 16 بسم الله ما شاء الله
يعنى نشوف احفادك كده بعد 8 سنين على الأقل
ربنا يحفظكم جميعا وعاملين ايه حلو النهارده فى عيد الميلاد

Anonymous said...

حاذي باذي يو يو
حاذي باذي تو إمز
حاذي باذي يو يو

كل سنةوانتي طيبة وعقبال 51 سنة
وتحققي 3/4 اللي في نفسك فيه
ويبارك فيكي
ويحف
وتعملي اللي انتي بتحلمي بيه

ايهاب

Anonymous said...

هندسة
كل سنة وهيا طيبة وربنا يبارك لك فيها وفي اخواتها وفي زوجة حضرتك ويكرمكميارب انا يمكن لم اختلطت بالبيت عندك كثير بس المرات القليلة حسيت ان بناتك ماشاء الله عليهم فعلا متميزين بجد واظن ان ده وضع طبيعي في وجود اب وام مثلكما ربنا يخليهم ليك يارب وتشوف عيال عيالهم كمان بس وانت كمان ربنا يرزق بزريه اخرى تربيهم برده كويس انت ايه شطبت ولا ايه هندسة يارب يبارك فيهم وتخاويهم
عمرو منير

Ahmed hassan said...

شكرا لكل من شارك بتعليق في هذا البوست

حسام
شكرا لك على مشاركتك ونفسي كنت تبقى موجود معنا والله النهاردة

حبيبة
حياتي وحبيبتي شكرا لك ياحبيبتي على مشاركتك وانا عارف انت بتحبي اختك الكبيرة قد ايه

Great Wishes
شكرا جزيلا على مشاركتك ودعاءك الجميل ومنورة المدونة

علاء
شكرا ياجميل على مشاركتك وان شاء الله تفرح بعيالك ويكبروا وتشوف الي هايحصلك

محمد البنا
مستنيك ياعزيزي وعقبال البنت نيمو ماتطلع بطاقة شخصية

ايهاب
ده انا النهاردة عيد ياعمنا
حسب ماتسعفني الذاكرة دي اول مرة تتشرف وتكتب لي في المدونة بس الحمد لله تعليق مش زي الي عند البنا
مستنيك ياجميل

عمرو منير
ايه اعمنا اخاوي مين انت بتهزر ولا ايه
لما تجيب تلاتة الاول تبقى تيجي تتكلم
جزاك الله خيرا ياحبيبي ومستنيك انت وهشام في زيارة كده لقطر

Anonymous said...

ya uncle el kalam dah gamed awy , el dam3a faret men 3eny wallahy :),rabena yekhalehomlak we toshofhom we homa 3arayes we weladhom yeghalebok we yo2lolak ya gedo :), we kol sana we enty tayeba ya etho we 3o2bal million sana (etho enty 3andek 2ab gameel awy ely howa khaly :) rabena yekhaleko le ba3d)

basma

Ahmed hassan said...

بوسي
ازيك منورة البلوج
اتاثرت قوي بتعليقك بجد ومتأكد انه طالع من القلب خالص ...شكرا ياحبيبتي
سلمي لي على ماما جدا وربنا يحفظكوا لبعض عى طول

Weeka said...

كل سنة وانت طيبة ان شاء الله تحققى كل اللى نفسك فيه و ربنا يخليلك بابا و ماما و اخواتك

abonazzara said...

أستاذي الفاضل
بالرغم من اني لم أشرف بلقائك حتى الآن الا أني أشعر أني أعرفك جيدا بقلبك الأبيض ونفسك العالية وأخلاقك الدمثة ، فبارك الله فيك وفي أهلك
وأبشرك بحديث النبي صلى الله عليه وسلم
قال رسول الله -صلَّى الله عليه وسلم-: (من كن له ثلاث بنات، فصبر على لأوائهن وضرائهن، أدخله الله الجنة برحمته إياهن).
قال: فقال رجل: وابنتان، يا رسول الله؟
قال: (و ابنتان).
قال رجل: يا رسول الله، وواحدة؟
قال: (وواحدة).
هذا حديث صحيح الإسناد
فهنيئا لك ولزوجتك بشرى رسول الله صلى الله عليه وسلم

emz said...

و انتوا طيبين و دايما بخير
شكرا لكل اللى علقوا
و شكرا يا بابا عالبوست الحلو ده
=)

Ahmed hassan said...

علي
شكرا جزيلا على مشاركتك وعقبال اولادك يارب


م/حسام فتحي
سعيد والله بتعليقك والحقيقة ده كلام كبير قوي علي ولا أملك سوى الدعاء ب "اللهم اغفر لي مالايعلمون واجعلني خير مما يظنون "

وأقول آمين وراء دعاء المبارك عسى الله ان يرزقنا الجنة جميعا ان شاء الله
جزاك الله خيرا
على فكرة انا ماعرفش انت عندك اولاد ولا لأ ابقى سعيد لو تعارفنا اكثر

أُكتب بالرصاص said...

كل سنة وانت طيب

Anonymous said...

كل سنة وإنتي طيبه يا إيثار .. والكلام الجميل بتاع بابا ده أجمل هدية ممكن أي حد يقدمها في الدنيا .. وسبحان الله يا أحمد على السنين اللي بتعدي بسرعة لا نتخيلها ، انا فاكر الأيام دي وإيثار لسه صغيرة ، كانت كأنها بالأمس القريب .. بارك الله لك فيهم جميعا وبارك الله فيك.. وانا حاسس ان المدونات بتاعتك دي هتكسر الدنيا في الأيام والشهور اللي جاية دي ..

كوارث said...

عذرًا للتأخير ..
مش عارف فعلاً أقول ايه ..!
حاسس بذنب
كل سنة وهيا طيبة
والحمد لله ان ربنا أكرمها بوالدين زيكم ..

Ahmed hassan said...

ايهاب
ازيك ياعم البنات وحشنا بجد
يارب تكون ميرفت والواد محمد بخير
في الحقيقة تمر الايام فعلا وهذا امر احيانا يجعل الواحد يفزع..ياترى هل فعل في دنياه مايدخره الله له في اخرته
يارب

وشاركني على طول ياجميل في المدونة

Ahmed hassan said...

طارق
اشكرك على مشاركتك واشكرك على مسئوليتك وتقديرك للامور
ولاداعي ابدا للشعور بالذنب المهم ان نتزود من هذه المواقف بخبرات نستطيع به ان نواجه التحديات المستقبلية ونكون أقوى
واكثر خبرة
كل التوفيق لك في المستقبل
شكرا

Basem said...

كل سنة وأنت طيبه وقبال 100 سنه وسنه وربنا يخلي ليك بابا السكره وماما وأخواتك

:)

الحلم العربي said...

ربنا يحفظهم و يجعلهم قرة عين لك و لأمهم و ينفع بهم الأمة

أول مرة أزور مدونة حضرتك و أعجبت بها جدا ...فعلا مدونة مختلفة
جزاك الله خيرا
تحياتي

Ahmed hassan said...

الحلم العربي
اهلا بك في المدونة وسعيد بمشاركتك
وشكرا جزيلا على الدعوتين الحلوين دول
وجزانا الله واياكم ووفقك لكل مايحب ويرضى

محمد السيد..مش حاسكت said...

ربنا يخليها لحضرتك يا أفندم ...
وتعيش كده وتشوفهااااااااا جدة كبيرة لعيال عفاريت ...

كتير بأتمني إني أنجب بنات ... الرقة الهدوء ... النسمة الخفيفة ... البسكوتة الصغيرة اللي تخاف عليها من كل حاجة ....

ربنا يبارك لك فيها هي وأخواتها .... وزي ما جمعكم في الدنيا يجمعكم في الجنة بإذن الله ....

http://www.mesh7askot.blogspot.com
مش حاسكت

Ahmed hassan said...

محمد السيد
شكرا على مشاركتك وربنا يرزقك بنات لطاف زيك كده بس خد بالك زي ماهما نسمة ورقة وبسكوتة برضه في جانب تاني بس مش هاقولك عليه انته هاتعرفه ساعتها

خولي said...

ربنايخليهملك يا هندسة وتفرح بيهم وباولادهم يا رب و سلملي عليهم وبلغ السلام ليهم و لامهم من اهل مصر وحشتونا جدا جدا جدا

محمد الخولي

Ahmed hassan said...

محمد الخولي
اهــــلا وسهــــــلا
ايه ياعمنا انت وحشنا كثير والله
يارب تكون انت والزوجة والاولاد بخير انقل لهم السلام من زوجتي
ونراك قربيا ان شاء الله

دينا فهمي said...

ربنا ما يحرمكم من بعض أبدا
وإن شاء الله تشوفوها أحسن مما تتخيلوا