Sunday, May 06, 2007

كلمات بسيطة .... أخطر على الدين

الذين يسيئون فهم الدين أخطر عليه من الذين ينحرفون عن نعاليمه ،أولئك يعصون الله وينفرون الناس من الدين وهم يظنون أنهم يتقربون إلى الله، وهؤلاء يتبعون شهواتهم وهم يعلمون أنهم يعصون الله ثم ما يلبثون أن يتوبوا إليه ويستغفروه .
من كتاب
هكذا علمتني الحياة
د/مصطفى السباعي

17 comments:

و ما الدنيا الا مسرح كبير said...

و الله لو النوعين عارفين انهم بيعملوا غلط يبقوا الاتنين خطر لان كل فريق له اتباعه
و لو مش عارفين يبقى عسى الله ان يتوب عليهم
و الله اعلم

Ahmed hassan said...

على
شكرا على تعليقك
بالطبع الطائفتين يمقلون خطورة ما ولكن اتباع العاصي وهو معروف بمعصيته غير اتباع من يسيء فهم الدين
ولو تلاحظ هنا ان الحديث عن من هو اخطر على الدين ولسنا معنيين بالطبع بالنوايا او الجهل لكن الحديث هنا عن عظم التاثير وخطورته على الدين ولنا في تنظيم القاعدة وطالبان خير مثال على ذلك

Anonymous said...

هندسة
انت وحشني جدا جدا مبدئيا انت عارف ياهندسة ان اسم مدونتك موفق جدا مدونتك مختلفة فعلا بحس وانا بقرأها انها صعبه قوي بتفكرني ولابلاش المهم انا والله ياهندسة نفسي اشوفك جدا جدا لانك وحشني
عمرو منير

Horas said...

علي يا ويكا
زي ما بيقولك الباشمهندس ان من يسي فهم الدين ويدعوا لهذا الفهم السيء ويصدقه مجموعة مثله هم فعلا الأخطر مثل من يعصي ويدعو الناس للعمل مثله غير من يعصي وهو يعلم أنه يعصي إما لضعف أو جهل ويؤثر فقط علي نفسه ثم يرجع ويتوب هذا اخف ضررا جدا علي عكس النوع الأول حتي علي المجتمع فالأمر مختلف أن يكون هناك والعياذ بالله زناة لكن في الخفاء والسر وأن تكون هناك دعوة وبيوت وتنظيم لذلك اخترف تام في التأثير

Ahmed hassan said...

عمرو
وحشني كثير يعمرو والله انا مش عارف اعمل في نفسي ايه انا مش عايزها صعبة بس هو ده فكري واهتماماتي ونفسي ماتبقاش الامور صعبة بس خير
المهم طمني عليك وعلى قرينك هشام البيه
بجد انا متفائل ان الرياض هاتتغير على ايديكوا ..شدو حيلكوا العالم كله مستنيكوا

سلامي لك من عندك ومستني زيارتك انت وهشام لقطر

mohamed elbanna said...

صباح الفل
حاسس ان فى حاجه فى الجملة مش مظبوطة
مع احترامى للدكتور السباعى
اعتقد ان الصواب هو الآتى
الذين يسيئون تفسير الدين
وليس الذين يسيئون فهم الدين
ممكن الواحد يفهم غلط وده راجع على نفسه فقط
اما المشكله الحقيقية هى الناس اللى بتسئ تفسير الدين وتقدم الفهم المعوج للاخرين
هذا والله اعلى واعلم

Ahmed hassan said...

محمد
ماتقوله صحيح وهو المقصود من العبارة فيما اظن فالموضوع في المقام الاول موضوع تاثير في الاخرين وتقديم الدين اليهم بشكل مغلوط سميه فهم او سميه تفسير المهم انه يمتد ليشمل بتاثيره من حولك ..اسرتك جيرانك جماعتك مجتمعك اي حد المهم انه لايقتصر الامر على الشخص ونفسه بل يمتد للاخرين

و ما الدنيا الا مسرح كبير said...

طيب يا بشمهندس هو ليه انت بتحصر الموضوع فى الدين
فى ناس بتفهم الحياة غلط مش من منظور الدين خالص و بتحاول توصل الفكر ده للناس
زى مثلا:
المديرين اللى مش بيدوا مساحات للموظفين و بيتعمدوا انهم يحسسوهم انه دايما هايغلطوا علشان هما يصلحوا و يعملوا منهم مسوخ لا ثقة لها فى نفسها و لا تستطيع اتخاذ قرار
كمان الرجال اللى حاطين المرأة فى مكانة قريبة من الجماد و عندهم الاف الادلة على انها سبب كل البلاوى
و كمان الناس اللى بتمثل انها بتحب و تدعوا الى ذلك و بعد كده تكتشف انهم ما عندهمش قلب اصلا
و الانسان اللى بيزن لغيره شرب المخدرات و انها هاتخرجوا من كل المشاكل
و الاعلام اللى بيصور للناس ان اللى بسرقهم بالفعل هو اللى بيحميهم
كل دى امور مالهاش علاقة بالدين و تؤدى الى فساد كبير جدا

Hannoda said...

بحييك جدا على إهتمامك بعرض المقولة ده

لو أنا حاتكلم عن الدين.. حتى لو في قعدة شباب منعدم الخبرة وماحدش فيهم حايقوللي انت غلط ولا يناقشني


برضه لازم أفكر مليون مرة قبل ما أقول حرف
أفكر في معاني و أساليب.. زي الهدوء.. التقبّل.. الحياد

كتير من الناس بتبعوا النقيض لتلك الأساليب

ومجرد مخالفة هذه الأساليب خطر كبير.. حتى لو مضمون كلامهم صحيح

تخيل بقى لما يكون المضمون كمان خاطئ

تحياتي

ElBeih said...

سلامو عليكم يا باشا
اخبارك ايه يا باشا
انا بدخل المدونة كل يوم تقريبا
والنبى يا باشا شوفلنا موضوع مسطباوى كده علشان نهيس شويه لحسن العملية كدة جد اوى ومش حتنفع مع حيوان سربنتأ زى حالاتنا

Ahmed hassan said...

Hannoda
شكرا على مشاركتك ..عندك حق فالتكلم في اي امر بدون علم مصيبة فما بالك عندما يكون الحديث عن الدين وحجم التأثير على الاخرين بسبب ذلك

Ahmed hassan said...

هشام البيه
معقولة ياعمنا يااهلا وسهلا
انا بصراحة مش عارف اعملك ايه انت وصاحبك هو انا ذنبي ايه ان انتم قاعدين في الرياض وعايزين حاجة تهيسوا فيها
هاحول ابذل جهدي بس مش هاقدر اوعدكم ....وبعدين ماتروحوا عند البنا هاتهيسوا شوية
سلام

Elbeih said...

يا باشا متقلقشى احنا بنهيس فى كل حته بس انت برضه اخونا الكبير و التهييس عندك له طعم تانى
عالعموم من وجهة نظر التهييس فى الموضوع بتاع عم يوسف ده فهى المشكلة ان الناس بتهيس فى الدين يا باشا و الله و عمالين يحللوا و يحرموا على مزاجهم و هما فاكرين نفسهم فاهمين الدين.
ياللا ما علينا، يا رب نطلع احنا فاهمين الدين صح او حتى نص نص و منطلعشى فى الضياع احنا كمان.
ياللا بقى مش حطول عليك علشان حنخرج نروح نتفرج عالمتش مع بعض انا و عمرو و يا رب الاهلى ميعملهاش و يطلع مش فاهم الكورة صح :)

Anonymous said...

سلامو عليكم
والله فعلاً مقولة فى الصميم و فى وقتها .. والرسول صلى الله عليه وسلم يقول " وان منكم لمنفرين " ويبدو أن اخواننا الذين يسيئون الى الدين وهم يظنون أنهم يتقربون الى الله لا يدركون هذا الحديث , هناك جماعة لم أر ابتسامة فى وجه أحدهم وهو يدعونى لشيء ما أو ينهانى عن شيء ما , ورغم أننى أحيانًا أقتنع بحديثه الا أننى لا أجد بدًا - من طريقته - من الابتعاد عنه !
يكفى أنه فى أحد أيام الجمع صليت ركعتين بين الأذانين فى مصر وبعد الصلاة وجدت من ياخذنى من ذراعى ويتحدث :-
- انتا صليت الركعتين اللى قبل الصلاة دول ليه ؟
نظرت اليه فى دهشة وقلت:-
ركعتين لله يا أخى !
- بس الرسول ما صلاهمش , وانتا كده بتبتدع , انا كنت فاكرهم تحية مسجد بس لقيتك صليت اتنين بعدين اتنين !!
- يا أخى سبحان الله , بصلى لربنا الصلاة بتاعتنا ابقى مبتدع !
- آه
- طب ماشى انا مبتدع .. سلامو عليكم !
تركته وأنا أضرب كفًا بكف , لا حول ولا قوة الا بالله , نحن فى زمن الكوارث , وليته قال لى أطلق لحيتك كما يقول معظمهم ! , وليته قال لى ارتدى الساعة فى يمينك بدل اليسار ولكنه أتى ليقول لى بألا أصلى هاتين الركعتين لأن الرسول لم يصلهما !
حسبي الله ونعم الوكيل
http://kawarith.blogspot.com

Ahmed hassan said...

أخي العزيز
المثال الذي ضربته مثال دال على الكثير
أخي بعيدا عن الاسلوب الفج في احيانا كثيرة عند الامر بالمعروف او النهي عن المنكر او الذي يُظن انه منكر فان المشكلة الاكبر هي الانشغال بالفروع دون الاصول يعيش كثير منا في غيبوبة ينسى فيها ماهي اصول الاسلام ينسى فيها المعاملة بالحسنى ينسى فيها الهموم الكبرى للأمة ينسى فيها تبسمك في وجه اخيك صدقة ينسى غياب الحريات والعدل ولايرى في الاسلام سوى جلباب قصير او لحية دميمة او طوي للبنطلون الطويل او حرمة احتفال بأعياد ميلاد او صلاة بدعة لم ترد عن الرسول
هذا في رأي يشوه الدين اكثر من اي احد اخر وقد يكون مخلصاولكنه في اغلب الاحيان يكون جاهلا بالاولويات والكليات وبمقاصد الشريعة
شكرا لمشاركتك

entrümpelung wien said...

شكرا على الموضوع
entrümpelung
entrümpelung
entrümpelung wien

عبدلله ابن عبدلله said...

THE MEANING OF LIFE - "معنى الحياة "مترجم

حُذف من اليوتيوب ٧ مرات تسبب منذ نشره في اسلام ٣٧ انسان حتى الآن والعدد في زيادة ولله الحمد 

http://safeshare.tv/w/HfSoqpSMHY

او هنا
http://safeshare.tv/w/OkKZmtFOEa


او من هنا

http://media.themostuseful.net/v/0362.mp4

روابط جديدة لمن يشكون من حذف الروابط و تعليق الرابط السابق

تم إنتاجه في ٩٩ يوما واستخدمت فيه قرابه ٤٣٣ مقطع تم تصويرها بتقنيات عاليه أو شراء حقوقها 

أثّر في عدد كبير جدا من الناس وينتظر منه ان يكون افضل مقطع لهذا العام بدعمكم ونشركم له

ساهم_في_نشره ولك الاجر ان شاء الله