Wednesday, July 04, 2007

لماذا لا نعتذر؟


جميل ان ننشر بيننا ثقافة الاعتذار جميل أن يكون الانسان قادرا على قول "انا آسف" عندما يقولها بصدق وبدون

ابتذال لقيمتها ومعناها الجميل جميل أن يدرك الانسان بشريته وانه يخطأ وأن خير الخطاءين التوابين

جميل ان يتغلب الانسان على عزة نفس موهومة ويتواضع للأخرين ويقر بالخطأ

الضعيف هو الذي يتصور ان في اعتذاره نقيصة وتقليل من قدره

والكبير هو من يدرك أن بالاعتذار عن الخطأ يعلو شانه ويزداد تقدير الناس له

دعونا نجرب ان نعتذر في بيوتنا مع اهلنا

دعونا نجرب أن نعتذر في عملنا مع من يعمل معنا كبيرا او صغيرا رئيس أو مرؤوس

دعونا نجرب ان نعتذر لزملائنا واصحابنا

نفتقد ثقافة الاعتذار بداخل مجتمعنا

نفتقده في الاسرة وفي العمل وفي حياتنا بكاملها

لماذا لانجد من حولنا أحد يعتذر ؟

هل خلت دنيانا من الأخطاء ؟ أم امتلأت الأرض بالمتكبرين المتعجرفين

نريد أن نرى مسئول يعتذر

نريد أن نرى أحدا ممن يتصدرون العمل العام يتأسف على خطأ أو تصرف جانبه الصواب

نريد أن نرى أنفسنا ونحن نعتذر لمن حولنا

7 comments:

Alaa Ali Hemdan said...

باشمهندس أحمد ..
صباح الفل الأول.. ويا رب تكون بخير أنت وأسرتك وكل من تحب ..
الله يفتح عليك .. يا باشا .. فعلا كلمة فيها حلول لمشاكل كثيرة احنا اللي بنكبرها بعزة نفس وهمية وبكبر في النفوس ممكن تتحل بهذه الكلمة إذا قيلت بصدق وحملت معناها حقيقية "أنا أسف"

جزاك الله خيرا كثيرا واسأل المولى عز وجل أن يرحمنا ويغفر لنا ويجمعنا في ظل عرشه ومستقر رحمته .. هو ولي ذلك والقادر عليه ..

أخوك علاء حمدان

Weeka said...

مساؤك سكر زيادة يا هندسة و منتظرين رؤياك.
خلينى اعتبر انك بتسئل سؤال استفهامى مش تقريرى(دى حاجة فى النحو لسه فاكرها من ايام الثانوية)
وانا هاجاوب من وجهة نظرى:
احنا لا نعتذر لاسباب
1- احنا ما تربيناش على كده
2- لما بنتعتذر اللى بنعتذر له ما بيفهمش كده بل بياخدها (زلة) بكسر الزاى و طبعا بيخزن و احنا اساتذة فى التخزين
3- ما فيش الثقة فى النفس اللى تخلى الواحد ما يعتبرش الخطأجزء من شخصيته و انه لو اعتذر هايقلل من نفسه
4- اغلب حواراتنا مع بعض بيكون فيها طابع الهجوم على بعض فبنضطر نهاجم و طبعا ما فيش مهاجم بيعتذر
5- حاجة اخيرة يمكن تكون مستغربة لكنى مقتنع بيها و نفسى اطبقها و هى نظرية (طظ) ايوننن طظ طظ طظ . يعنى انا هاعتذر علشان انا شايف ان ده صح و طظ فى اللى هايحور الاعتذار و يفهمه غلط و يستغله انا بتصرف باللى شايفه صح.
اعتذر على الاطالة

abonazzara said...

السلام عليكم ياباشمهندس
للأسف فيه مفاهيم كتيرة وجميلة جدا رخصت وابتذلت من سوء الاستخدام
زي الاعتذار وقيمة الحوار واحترام المخالف في الرأي
الحاجات دي من كتر خطابها بارت كما يقول المثل المصري
وموضوع الاعتذار هذا بالذات كنت في ذكره منذ عدة أيام ووجدت أن الاعتذار قد تحول الى أسلوب جدل لإنهاء الحوار مع النصر الأدبي الجميل ، وفي أحيان أخرى يتحول الاعتذار الى إهانة جديدة كأن يقول القائل : أنا آسف انك فهمت الموضوع كده
وربما يصبح الاعتذار مجرد مجاملة كأن يقول : أنا آسف على إنك زعلت مني
وفي كل الأحوال حاجات كتير جدا ممكن نضبطها في حياتنا اذا خلصت النوايا لله وحده لا شريك له ، وربما تكون دي صورة من صور الطظ التي ذكرت في تعليق سابق لأنه فعلا مش مهم أي حاجة المهم رضا الله
جزاك الله خيرا على الموضوع الراقي

Ahmed hassan said...

صباح الفل ياعلاء
آمين يارب العالمين

Ahmed hassan said...

علي ياويكا
كل الاسباب الي انت قلها تصلح مجتعة لتشخيص الوضع
ونظرية "طظ" دي نظرية لو قدرنا نعملها هاتتغير حاجات كثيرة بس المشكلة ازاي الواحد يتحرر شوية من الناس وارائهم وهايقولوا ايه وهايعيدوا ايه وده مش شيء سهل

Ahmed hassan said...

م/حسام
وحشتنا وعايزين نشوفك في مصر ان شاء الله
دعواتك الكريمة بالتوفيق والسداد وجزاك الله خيرا

Anonymous said...

مثال :
نعتذر عن عدم إحدار حميع الأغاني السابقة نتيجة تغيير السيرفر و نعدكم أننا سنحضرها في أقرب وقت.

http://www.l9a3da.biz.st/