Saturday, March 10, 2007

كلام في الادارة -3

فن الممكن ....والفسيخ والشربات
عبارة نسمعها كثيرا ...عمل من الفسيخ شربات ودائما ما تقال في سياق من يستطيع ان يعمل بامكانات قليلة وموارد محدودة (الفسيخ ) أشياء كبيرة (شربات )
مثال قد يكون صارخ ولكنه قد يكون معبر عما نقصده .

في الحقيقة إن فن الممكن في الادارة موضوع هام يستحق ان نقف عنده ونتكلم فيه قليلا
إن اي عمل او اي مهمة ادارية نكلف بها لابد لها من موارد لتطبيقها وتنفيذها وهي
الموارد المالية
الموارد البشرية
واخيرا الموارد الزمنية وقد يبدو هذا الأخير كمورد أمرا مستغربا فلم نعتاد أن نتعامل مع الزمن باعتباره مورد من الموارد مثله مثل الموارد المادية والبشرية
ولكن وهذا هو موضوعنا فان التعامل مع الزمن كمورد كغيره من الموارد هو امر ضروري ذلك ان انجاز مهمة في يوم غير انجازها في اسبوع من حيث جودتها والمخرجات منها
ان فكرة
optimum
قد تكون الشيء المثالي في الحياة المعملية والمختبرية ولكنها ليست كذلك في حياتنا الادارية ففي هذا المجال قد نكون نحتاج الى مايسمى ب
" Best Possible "
أو " أفضل الممكن
فن الممكن مهارة مطلوبة في حياتنا الادارية تعني ببساطة أن نتحرك في أعمالنا الادارية والمهام التي توكل الينا بالمتاح من الموارد -وليس بالمأمول منها - بافضل واعلى كفاءة ممكنة دون انتظار مالن يأتي أو يتوافر ... وقد يكون هذا بديهي لنا على مستوى الموارد المالية والبشرية والطاقات المتاحة ولكن المورد الزمني هو الذي يتواري ويغيب عن الاذهان في كثير من الاحيان

ولكي يتضح المعنى اكثر نضرب هذا المثال

كلفك رئيسك في العمل أن تقوم باعداد موقع للشركة على الانترنت في خلال سبعة ايام فقط مع تأكيده لك بان كل المموارد المالية التي تحتاجها متاحة لك ...وانت من خلال تخصصك وخبرتك متأكد ان الامر مستحيل أن يتم بشكل مناسب في هذه المدة وبذلت كثير من الجهد لمحاولة اطالة الوقت فلم تفلح

ماذا ستفعل ؟ هل ستقضي الاسبوع في ندب حظك وفي اتهام مديرك بعدم الفهم .... وتبدأ من أول لحظة في اعداد ملفك بالحجج والبراهين التي تثبت لماذا لم تستطع ان تفعل شيئتا في خلال الاسبوع

هناك مدخل اخر للموضوع وهو كيف بما لدي من موارد متاحة بما فيها مورد الزمن وهو الاسبوع ان تفعل شيء ... ان تفعل أفضل الممكن ولاتبحث عن المثالي الذي مستحيل ان يتحقق في اسبوع ... لديك خيارين
اما أن تسعى الى افضل شيء وأفضل عمل وتنسى الاسبوع فتجد نفسك في نهايته ولم تنجز المطلوب وتضع مديرك في ورطة أو أن تفعل المتاح وتنجز افضل الممكن والذي قد لاتتجاوز جودته 60 % مثلا وتعتبره اصدارة اولى تجتهد في انضاجها وتطويرها الى ثانية وثالثة .
بالتأكيد ليست هذه دعوة لعدم الاتقان والتخلي عن الجودة ولكنها دعوة للعملية والتعامل الأذكى مع الواقع والتطوير والتحسين المستمر
ولايجب ان يغيب عن اذهاننا ان كثير من الأعمال اكتشافها ومن ثم تطويرها وتحسينها لايتم الا من خلال خروج هذه الأعمال الى النور ولو في بدايات بسيطة تتطور ولا تقف عند حالها الأول بطبيعة الحال

دعوة للتحرك والاستفادة بما هو متاح وعدم انتظار المامول
دعوة للانجاز والعملية دعوة للممكن والمتاح
دعوة لان تعمل من الفسيخ شربات


11 comments:

Anonymous said...

يا مولانا ما تخليك أحسن مع مصر ومشاكلها وايامها السودا اللي عايشاها ، بتبقى موضوعات افضل والواحد يلاقي تعليق يشارك بيه وللا فكره يقولها ...
بصراحة انا مش بافهم المدونة غير انها حاجة من ثلاثة ، إما نقل سريع لمعلومة جديدة وعاوز انشرها على الملاء ، او انها فكرة فكيرة نطت في دماغي وعاوز اقلبها مع القاعدين والداخلين والمعلقين الزائرين ، او فضفضة اخرج بيها اللي في نفسي حلوه ومره واهو كلنا في الهم شرق
علشان كده ليس عندي ما اقوله في فكره السبع حبات اللي كاتب عنها دي قصدي يعني الموارد الزمنية علشان هي معروضة على طريقة فوازير نيللي
صبح الفل
حسام الدين

Ahmed Hassan said...

مساءالخيرات ياحسام انت نسيت حاجة رابعة للمدونة وهي ان يبقى فيها حاجات عجيبة زي الي بتكتب هنا علشان تستفز واحد زي حالاتك بيحب الادارة جدا زي ماانت وانا عارف طبعا ويكتب تعليقاته المفيدة دي وبعدبن احنا في موضوع الادارة ده عمرنا ماهانتقابل انت من سكة وانا من سكة تانيا :-)
وعندك حق في فلسفة المدونة مع زيادة فقط انها قد تكون وسيلة لتوثيق معاني واغكار خوفا من ضيعها في اي اهتمام لك سياسي اجتماعي اداري هذا ما افهمه او على الاقل اطبقه هنا، ومن الممكن ان ينطبق عليها الفكرة الاولى او الثانية من تصنيفك واحتاج فعلا الى مناقشتها وسماع وجهة نظر اخرى ...بس ماتزعلش انا بعد كده هافكر او كتبت حاجة تانية في موضوع الادارة دي هاكتب تحذير في البداية ممنوع دخول حسام
مساء الخير

Anonymous said...

يا عمي دا مافيش اصلا حد بيعلق غيري ، عاوز ما تدخلنيش وتبقى مدونه سرية ، لا يا سيدي زمن الاسرار ولى وراح ، وانت من الاحرار يا علي ، على راي الاخ حسين كمال
وعلى ذلك اختلاف وجهات النظر في موضوع الادارة ، انا بالمناسبة رايي فيما يسمى " علوم الادارة " هو بالضبط رايي فيما يسمى " علوم الاعلام والاتصال" ، وبلاش اقولهولك احسن تزعل ، بس بجد المشكلة في الاتنين هو الخروج بعيدا عن الاطار المعرفي ، والتعامل معهما كما لو كانت علوم مجردة كده زي الفسلفة مثلا ، وهذا يؤدي لضلال في التصور ، وخلل في التطبيق والله اعلم

حسام الدين

Ahmed Hassan said...

ينهار زي بعضه ضلال في التصور وخلل في التطبيق والله اعلم ....ايه ياعم الي بتقوله ده احنا دخلين في معركة عقائدية ولا ايه ...ياعمنا ده مش كلام مجرد خالص عايز اكثر من الفسيخ والشربات ...مش عارف اعمل ايه معاك ...
تصبح على خير ولما انزل القاهرة نتفاهم

mohamed elbanna said...

يا أستاذ حسام ... يا أستاذ حسام
ورانا قضايا كتير بلاش تضيع وقت المحكمة
الأستاذ بيقولك لو مديرك اللى هو توفيق قالك يا حسام عايزك تعملى قناة تلفزيونية حلزونية وقدامك اسبوع لاعداد التصور واطلاق القناة تبقى سعاتك تعمل ايه
تروح للاستاذ عبد الحليم وتاخد من عندة كيلو فسيخ وتقعد مع بتوع تطوير الأعمال وتظبطوا الدنيا وتعملوا القناة وبعدين توزعوا شربات على باقى الموظفين
يبقى كدة عملنا من الفسيخ ايه .... قناة
وبعدين أنا عمرى ما شفتك ماسك ورقة وقلم وكمان بتتكلم فى الادارة
صباح الفل يا حبيب

Ahmed Hassan said...

ياسلام يابنا
شوف انا قعدت كثير الف وادور حولين الفسيخ والشربات ولكن انت جبت التايه صدقني .... ياريت ياحسام تخلص موضوع القناة دي بسرعة الله يكرمك ومتقلش ازي وليه ...
وصباح الخير ياجماعة

Anonymous said...

لا يا سيدي يفتح الله ، انا راجل ليا اسمي في السوق ومش عاوز تيقى سمعتي اني بتاع الشغل اللي بتعريفه و"اللو بادجيت "
بس كمان لأسباب انسانيه وعاطفيه انا ما اقدرش ازعل ابو عمر ابدا علشان باحبه
بس ...دي معادلتي الادارية عاجبكم وللا ايه يا اخواننا يا بتوع الفسيخ ، على فكره انا باكل السمك صاحي ماليش في المملح
حسام الدين

Anonymous said...

يا باشمهندس .. انت اللي كلامك شربات ..

جزاك الله خيرا على هذه المعلومات المفيدة ... علما بأني قد سمعتها من حضرتك قبل كدا .. ولكنها مفيدة دوما والتذكير بها شىء جميل ..

أخوك علاء حمدان

Ahmed Hassan said...

السلام عليكم ياعلاء
يارب تكون بخير
شكرا على مداخلتك وبعدين ياعني هو انا مش هاعرف اقول حاجة قلتها قبل كده ولا ايه كده اقفل المدونة باءه ياعمنا
جزاك الله خيرا

Anonymous said...

يا أستاذي العفو .. حضرتك تقول واحنا نسمع ونستفيد .. أنا كان قصدي إن برغم إني سمعتها قبل كدا .. لكني استفدت منها كثير .. ولا تحرمنا من هذه الأشياء المفيدة .. جزاك الله خيرا
أخوك علاء حمدان

Ahmed hassan said...

معلش ياعلاء عندي حساسية من موضوع ان واحد يقول والباقي يسمع ويآمن الموضوع ده من وجهة نظري هو سبب مشاكل كثيرة تحدث لنا على جميع الاصعدة
خلينا يكون منهجنا ان كلنا نقول وكلنا نسمع وكلنا نستفيد وبلاش الله يكرمك موضوع احنا وراك ومعاك ..متاكد من قصدك ونيتك ولكن احببت ان اقف في هذه الجملة للتوضيح
وجزاك الله خيرا